Ostegunean eta ostiralean 2024-04-22

Eskoriatzan, Zestoan eta Gabirian hasiko da aste honetan Gipuzkoako Sailkapen fasea

Aste honetan hasiko da Gipuzkoako Txapelketarako sailkapen fasea Eskoriatzan, Gabirian eta Zestoan. Eskoriatzan emango zaio hasiera ostegunean, duela 50 urte haurren bertso-eskolak abiatu zuten herrian eta ostiralean Gabirian eta Zestoan izango dira saioak.

Eskoriatzan kantuan izango dira: Joar Garate, Antton Fernandez, Asier Ibarguren, Andoitz Urdanpilleta, Emaitz Murua, Libe Goenaga, Jon Mata eta Peru Aiartza ariko dira kantuan, Iker Iriartek aurkeztuta.

Zestoan, Amets Aizpurua, Oihana Arana, Eneko Araiztegi, Eneko Beretxinaga, Haizea Arana eta Julen Zulaika ariko dira kantuan, Haritz Alberdik aurkeztuta. 19:00etan kultur etxean.



Gabirian, ordu berean, Aitor Tatiegi, Maider Arregi, Urko Egaña, Uxue Fernandez, Andoni Mujika eta Aitor Zubikarai, Irati Sanchez de Arevalok aurkeztuta.

Sarrerak www.bertsosarrerak.eus atarian.

Sailkatze mailakatua
Fase honetan 74 bertsolari ariko dira kantuan eta bi itzulitara jokatuko da. Lehen itzulitik 48 bertsolari pasako dira bigarrenera eta 34 bertsolarik lortuko dute udazkenerako txartela. Bi saioetako puntuak hartuko dira kontuan.

Maiatzaren 2an eta 3an jarraituko du Gipuzkoako sailkapen fasean, beste lau saiorekin.