Bertsoa.eus - Bertso plaza digitala

Albisteak

Larunbatean, 22:30etan, Gaztetxean |28/05/2012

Nerea Ibarzabal eta Xabat Galletebeitia irabazle Markina-Xemeinen

Joan den larunbatean jokatu zen XI. Plazatik Gaztetxera txapelketako hirugarren kanporaketa Markina-Xemeingo Akerbeltz gaztetxean. Markina-Xemeinen bigarren urtez egin da aurten plazatik gaztetxera, eta oraingoan ere ez zuten entzuleek hutsik egin. 100 lagun inguru batu zen gaztetxean eta giro itzela piztu zen denen artean. Markina-Xemeingo asanbladak prestatutako afari ederraren ostean, Plazatik Gaztetxerak eginiko Bertsoklipa ikusteko aukera izan zuten bertara hurbilduakoek. Bideoaren ostean, txalo artean igo ziren bertsolariak oholtza gainera.

Azken sailkapena (Markina-Xemein)
Nerea Ibarzabal eta Xabat Galletebeitia        206 puntu (Bigarren fasera zuzenean sailkatuak)
Aitzol Urain eta Aitor Salegi                              191,5 puntu
Eneritz Artetxe eta Ugaitz Beristain                 184,5 puntu
Iñaki Viñaspre eta Maite Solozabal                170 puntu


Ondo hasi ziren zortziko handiko ariketan bertsolariak. Aipatzekoa Iñaki Viñasprek eta Aitzol Urainek egin zuten ariketa: harremana amaituta eduki arren, hipoteka dela eta elkarrekin bizi beharra daukaten bikotearen paperean jarri zituen gai jartzaileak. Zortziko txikian fin aritu ziren lau bikoteak, publikoaren txalo zaparradak lortuz. Aitor Salegi eta Xabat Galletebeitiaren zortziko txikiko saioak zeresana eman zuen saio osoan. Parranda ostean komunean amaitu zuten elkarrekin, eta irtetzean taberna itxita topatu zuten. Gaztetxea barrez jarri zuen bikoteak.
Kopletan ere umoretik jarraitu zuten bertsolariek. Maite Solozabal eta Xabat Galletebeitia beste bertsolariei buruzko zurrumurruak asmatzen aritu ziren. Ugaitz Beristain eta Aitzol Urain elkarren herriei buruz zer dakiten azaltzen jarri zituen gai jartzaileak. Mendarokoak eta azkoitiarrak publikoaren erantzun ederra jaso zuten.
Koplen ostean etorri ziren bakarkakoak. Ideia politak atera zituzten bertsolariek gaztetxeari buruz, emakumeek jokatuko duten euskal selekzioaren partidari buruz, manifestazioei buruz eta euskal musikari buruz.
Lau taldeek egin beharrekoa amaituta, publikoaren botuak kontatu artean, puntuka aritu ziren zortzi bertsolariak.
Buruz burukora pasatzeko epaileen txartela Nerea Ibarzabal eta Xabat Galletebeitiarentzako izan zen. Publikoaren bozka, ostera, Aitor Salegi eta Aitzol Urainek lortu zuten. Bi talde horiek jokatu zuten buruz burukoa.
Hamarreko txikiko ariketa egin zuten lehenengo. Markina-Xemeingo Gazte Asanbladak aurten hamar urte betetzen dituela eta, euren leloa jarri zuten gai moduan: 'Hamar urte, maitasunez eta gorrotoz, ametsak bizitzen'. Aitorrek maitasunez bizi izan ditu hamar urteak; Xabatek, gorrotoz. Bertso politak osatu zituzten biek, ariketa polita osatuz.
Ostean, objetu bana eman zien gai-jartzaileak: Aitzoli mikrofono bat, eta Nereari, gaztetxean topatutako mikrofono txiki edo entzungailu bat.
Bertso horiekin amaitu zen saio puntuagarria, eta epaiak eskualdeko bikoteari eman zion finalerdietarako txartela: Nerea Ibarzabal markina-xemeindarrari eta Xabat galletebeitia lekeitiarrari.
Zortzi bertsolariei opariak banatu zizkieten Gaztetxemon gaztetxeko maskotak. Bertsolarien esker oneko agurrekin eman zitzaion amaiera saioari.

Datorren astean, ekainaren 1ean, Elgoibarren jokatuko da azken kanporaketa. Hurrengoak dira kantatuko duten bertsolariak:
•    Mikel Olaizola eta Eneko Beretxinaga
•    Txaber Ormazabal eta Inazio Vidal
•    Julen Sololuze eta Eñaut Uruburu
•    Ion Mikel Mujika eta Aimar Goenaga

     

Maule-Lextarre

Zortziko txikia. Unai Agirre-Jexux Mari Irazu

2013/11/30

ABRA sariketa Algortan

2017/02/17

Donostiako jaialdia - Basque Culinary Center-en

2017/02/24

Nafarroako Txapelketa - Auritz

2017/02/19

Nafarroako Txapelketa - Tafalla

2017/02/18

Arabako Txapelketa - Dulantzi

2017/02/21

Lezoko bertso-jaialdia

2017/02/11

Kontu Eguneko bertso-bazkaria Iturenen

2017/02/04

Arabako Bertsolari Txapelketa. Zigoitia

2017/02/13

Amurrioko bertso jaialdia

2017/02/05

BECtso-saioa Baionan

2017/01/29

Arabako Bertsolari Txapelketa. Langraitz

2017/02/06

Legutioko jaialdia

2017/01/20

San Sebastianetako bertso-jaialdia Donostian

2017/01/22

Tolosako jaialdia

2017/01/21

Zeanuriko jaialdia

2017/01/15

Elkartasun bertso-jaialdia Oiartzunen

2017/01/08

BEC-tekada bertso-jaialdia Amurrion

2017/01/06

Aramaioko jaialdia

2016/12/30

Gabonetako Bertso Jaialdia Elgoibarren

2016/12/28

Galdakaoko bertso-jaialdia

2016/12/23

Urtea hamabi bertsoalditan

2016/12/29

ALBE Galako bertso-saioa

2016/12/10

Markina-Xemeingo jaialdia

2016/12/08

Bilboko bertso-saio musikatua

2016/11/24

Bizkaiko Txapelketa. Finala Bilbon

2016/12/17

Laudioko bertso-jaialdia

2016/12/02

Xenpelar Sariko finala

2016/12/08

Bizkaiko Txapelketa. Larrabetzuko finalaurrekoa

2016/12/03

Zarauzko jaialdia

2016/11/25

Amasako bertso-jaialdia

2016/11/12

Bizkaiko Txapelketa. Basauriko finalaurrekoa

2016/11/27

Legazpiko bertso-jaialdia

2016/11/18

Bizkaiko Txapelketa. Markina-Xemeingo finalaurrekoa

2016/11/19

"Testurak" Arrasaten

2016/11/11

Iruñeko Bertsoaroako azken jaialdia

2016/11/10

'Testurak' emanaldia Ondarroan

2016/11/16

Bertso-udalekuak 2016

2016/10/05

Bideo guztiak ikusi