Iaz Bilbon egin zen 2013-11-20

Bertso derbia Donostian urtarrilean

Iaz Bilbon egin zenaren haritik, aurten Donostian egingo da II. Bertso-derbia. Errealeko eta Athletic-eko hiruna bertsolarik osatutako seikotea arituko da bertsotan Antzoki Zaharrean. Talde bakoitzak bere kanpitaina izango du: Athletic-ekoa Igor Elortza eta Errealekoa Amaia Agirre. Beste lau bertsolariak publikoak boto bidez aukeratuko ditu, bi taldeen webguneetan.
Iaz Bilbon egin zenaren haritik, aurten Donostian egingo da II. Bertso-derbia. Errealeko eta Athletic-eko hiruna bertsolarik osatutako seikotea arituko da bertsotan Antzoki Zaharrean. Talde bakoitzak bere kanpitaina izango du: Athletic-ekoa Igor Elortza eta Errealekoa Amaia Agirre. Beste lau bertsolariak publikoak boto bidez aukeratuko ditu, kluben web guneetan. Besteak beste, Real Sociedad Fundazioak, Athletic Fundazioaren, Donostia Kulturaren eta Usandizaga B.H.S.-ren laguntzarekin antolatzen da bertso-derbia.

Urtarrileko lehenengo asteburuan Anoetan jokatuko dute Reala eta Athleticek Ligako partida. Hori dela eta, urtarrilaren 3an arratsaldeko 19tan izango da Bertso-derbia.

Antolatzaileen hitzetan, ekitaldi honen asmoa, bi taldeen arteko elkarren lehia eta derbietan sortzen den giro atsegina indartzea da. Bestalde, lotzen gaituen kultura sustatzea eta bertsolaritzan futbolaren gaia bultzatzea bilatzen da, gure zaleek futbola eta kultura ere uztartu  daitezkeela ikus dezaten.

Bertso-derbiaren aurkezpenean ordezkaritza zabala izan zen:  Juan Karlos Izagirre, Donostiako Alkatea,  Joseba Ibarburu, Real Sociedad Fundazioaren ordezkaria, José Angel iribar, Athletic Fundazioaren ordezkaria, Amaia Agirre, Realeko kapitaina, Miren Amuriza, Athleticeko taldearen ordezkaria. Yerai Gascón, edizio honetako kartelaren egilea, Publizitate Grafikoko ikaslea Usandizaga B.H.S.ko ikaslea.

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin