Bertsolaritzaren bidegurutzeak eta ahozkotasuna ikergai Udako Ikastaroetan
Bertzozale Elkarteak eta Euskal Herriko Unibertsitateak aurten ere Udako Ikastaroak eskainiko dituzte, Donostian, uztailaren 6-9 bitartean. Bi gai nagusi landuko dira: Bertsolaritza eta ahozkotasuna Hezkuntza Arautuan; Bertsolaritzaren bidegurutzeak.
Aurten ere Udako Ikastaroak eskainiko dituzte Bertzozale Elkarteak eta Euskal Herriko Unibertsitateak, Donostian, uztailaren 6-9 bitartean. Bi gai nagusi landuko dira: Bertsolaritza eta ahozkotasuna Hezkuntza Arautuan; Bertsolaritzaren bidegurutzeak. Lehenengo ikastaroan, bertsolaritzak ahozkotasunaren lanketan egin lezakeen ekarria aztertuko da, besteak beste. Ipuingintza eta musika ere jorratuko ditu. Eta saio performancea ere izango da. Hizlari arituko direnak, besteak beste, Andoni Egaña, Joseba Tapaia, Inma Muñoa, Itziar Zubizarreta, Itziar Irigoien, Jaione Eskudero... Bertso ekitaldian Igor Elortza eta Uxue Alberdi arituko dira.
Bertsolaritzaren bidegurutzeak Bertsolaritzaren bidegurutzeak jorratuko dira bigarren ikastaroan, bai eremu ideologikoan, sorkuntzaren alorrean zein autoantolaketa eremuan eta transmisio lanean. Hizlari arituko dira: Andoni Egaña, Maialen Lujanbio, Jexux Murua, Jon Sarasua, Estitxu Eizagirre eta Joseba Tapia. Horretaz gain, Kepa Paz-Alonso BCBL-ko ikertzaileak, (Basque Center on Cognition, Brain and Language) Betsogintzaren oinarri neuronalei buruz arituko da. Aitzol Astigarragak eta Manex Agirrezabal Informatika Fakultateko ikertzaileek betsolaritza eta robotika aztertuko dituzte.