Joan zen igandean Irunen jokatu zen Gipuzkoako Eskolarteko Bertsolari Txapelketako finala, Bertso-Eskolen Egunaren baitan. Bertsoaldirik onenak ikusgai daude Bertsoan.
Igandean Irunen jokatu zen Gipuzkoako Eskolarteko Bertsolari Txapelketako finala, Bertso-Eskolen Egunaren baitan. Ehunka gaztetxo bildu ziren festara, Gipuzkoako hainbat bertso-eskoletatik iritsiak.
Gazteen finalean zortzi bertsolari aritu ziren, aurretik afari giroan jokatutako lau kanporaketetatik sailkatuta. Honako hau izan zen zortzikotea:
Jon Ander Iriondo Beñat Mujika Paul Iruretagoiena Ane Zuazubiskar Oier Etxeberria Iñigo Ibañez Asier Ibarguren Andoni Mujika
Azkenean Iñigo Ibañez izan zen txapeldun, Paul Iruretagoienaren aurretik. Biak izango dira Gipuzkoako ordezkariak ekainaren 27an jokatuko den Euskal Herriko Eskolartekoan. Irungo finaleko bertsoaldirik onenak entzungai daude Bertsoan.