Lesakan, egun osoz 2015-05-22
Nafarroako gazteen bertso-eskolen eguna igandean
Urtero bezala, ikasturte amaierarekin batera Nafarroako gazteen bertso-eskolek beren eguna ospatuko dute. Maiatzaren 24an Lesakan egingo den festa honek 10-15 urte bitarteko ikasleak bilduko ditu, goiz eta arratsaldeko egitarau baten bueltan. Egun, adin horretako 170 ikaslek lantzen dute bertsolaritza eskola orduz kanpo.
Nafarroako gazteen bertso-eskolen eguna ospatuko da igandean Lesakan. Gelako jarduna osatzeko helburuarekin eta ikasleen elkar-ezagutza handitzeko xedez egingo da topaketa, Kultur Etxean. 10-15 urte bitarteko ikasleak bilduko ditu, goiz eta arratsaldeko egitarau baten bueltan.Egitaraua
12:00etan hasita, bertso-eskola bakoitzaren agurrek emango diote hasiera ekitaldiari. Ondoren, gaztetxoak protagonistak izango dituen bertso-saioa burutuko da, klasean landutako ariketekin. Goizeko tarteari amaiera emateko berriz, Nafarroako Bertsopaper Lehiaketako sari banaketa egingo da. Arratsaldean, bertsogintzarekin lotutako pista-jolasak itxiko du egitaraua.
170 ume
Gaur egun,18 urtetik beherako 170 ikaslek lantzen dute bertsolaritza eskola orduz kanpo. Astean behingo maiztasunez, bertsogintzaren oinarriak eta irakaspenak jasotzearekin batera, ahozkotasuna eta gaitasun komunikatiboak garatzen dituzte besteak beste, transmisio bide den giro ludiko batean.
Albiste gehiago
Anonyme Popularren agurreko kontzertuak maiatzean eta ekainean 2024-04-18
Anonyme Popular: 'Azken agurrak' bira Gasteiz, Baiona eta Bilbon
Maddi Aiestaran Iparragirre - Osinalde Sariko balorazioa 2024-04-08
«Helburua zen guretik kantatzea eta uste dut neurri handi batean lortu dugula»
Jone Larrinaga Dañobeitia - Bertsolari Bertsozale Podkasta 2024-03-28
«Bertsolaritzaren garapena aberatsagoa da espektatibarik gabe»
Mikel Artola Izagirre - Gipuzkoako Bertsozale Elkarteko koordinatzailea 2024-03-26
«Gipuzkoan 10-50 urte bitarteko bertsolari ia denek kantatuko dute udaberrian»
Juanjo Uria Zubiarrain - Bertsolari bertsozale podkasta 2024-03-15
