Igorren egun osoko festa izan zen 2015-06-08

Giro ederrean ospatu zen larunbatean Bizkaiko Bertso Eskolen Eguna

Giro ederrean ospatu zen larunbatean Bizkaiko Bertso Eskolen Eguna
Goizean, idatzizko eta bat-bateko finalak jokatu ziren. Bat-batekoan Txaber Altube Sarrionandiak lortu zuen txapela. Ondoren, bazkaria izan zuten, eta arratsaldean bertso-eskoletako taldeek beren emanaldiak egin zituzten.
 Larunbatean ospatu zen Igorreko Kiñu Gaztetxean Bizkaiko Bertso Eskolen Eguna. Egun osoko egitaraua izan zuten bertaratu ziren ehunka bertsozale gazteek.

 Goizean, idatzizko finalekin hasi zen eguna. Ondoren, bat-bateko finala iritsi zen. Honako zortzikote honek kantatu zuen oholtzan:

 Iker Garitagoitia Astigarraga
 Igor Galartza Intxausti
 Lur Ziarrusta Intxaurtza
 Lurdes Ondaro Mallea
 Paule Loizaga Legarra
 Peio Azkarate Elejabarrieta
 Txaber Altube Sarrionandia
 Unai Mendiburu Valor

 Azkenean Txaber Altube eta Lurdes Ondaro sailkatu ziren buruz burukora, eta Txaber Altuberentzat izan zen txapela. Unai Iturriagak jantzi zion. Behin finala eta sari-banaketak eginda, bazkaria egin zuten gaztetxean bertan.

 Arratsaldean emanaldi bereziak

 Arratsaldean ere jarraitu zuen festak. Hasteko, Bizkaiko bertso-eskoletako taldeek propio prestatutako sortak kantatu zituzten, musikarekin lagunduta kasu askotan. Eguna borobilzeko, Oskar Estangarekin erromeria izan zuten.

 Ekainaren 27an Orion egingo da Euskal Herriko Eskolarteko finala. Bertan Txaber Altube Eta Lurdes Ondaro izango dira Bizkaiko ordezkariak.

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin