Motxian Bertso Eskolak antolatuta 2015-07-15

Bertso Astea Zarautzen, gaur hasita

Uztailaren erdi aldera Zarauzko Bertso Asteak zita jakina izaten du, Motxian bertso-eskolaren eskutik. Gaur hasita, bertso musikatuak, bertso-pilota desafioa, bertsolari gazteen jaialdia eta bertso txepelketa izango dira. 'Eonaixilik' lehiaketa ere antolatu dute. Hain zuzen ere, bertso-eskolakoen arteko bertso-pilota desafioa eta 'Eonaixilik' lehiaketa dira aurtengo berrikuntzak. Bertso-pilotan bertsotan ez ezik pilotan ere bertso-eskolako kideak arituko dira: Bengaetxea-Larriola batetik, Beatzaluze-Martinez de Orujo, bestetik.
'Eonaixilik' lehiaketa, berriz, gai bat jarri eta jendeak bertso bat edo kopla bat idaztea da asmoa. Irabazleek jende aurrean kantatuko dituzte bertso sarituak.

Egitaraua
Ostegunean, Bertso musikatuak Torre Luzean, 22:00etan.
Ostiralean, bertso-pilota desafioa, Frontoi Txikian, 19:00etan. Gauean, berriz, bertsolari gazteen jaialdia Torre Luzean, 22:00etan: Oier Etxeberria, Iraitz Mateo, Ane Peñagarikano, Ane Zuazubiskar eta Danel Olano.
Igandean, Bertso Eguna, 'Bertso txepelketa'.

'Bertso Txepelketa'
Zarauzko Bertso Astea jada tradizio handia duen Txepelketarekin amituko da. Egun osoz, tabernaz taberna izaten da, eta hortik Bertso Egunaren izena ere.

• 
•