Gipuzkoako Bertsolari Txapelketa 2015-09-21

Jon Maia irabazle Beasainen, Gipuzkoako lehen saioan

Jon Maiak irabazi du Beasainen jokatu den Gipuzkoako Bertsolari Txapelketako lehen saioa. Atzo lortu zuen lehen postuari esker, Maia zuzenean sailkatu da urriaren 31n Zestoan jokatuko den final laurdenetako saiorako, Alaia Martin eta oraindik erabakitzeke dauden beste lau bertsolarirekin. Maiaren atzetik, Ane Labaka eta Iñigo Mantzizidor "Mantxi" sailkatu ziren. Bihar bertso hautaketa jarriko du sareko plazak.

BERTSOLARIA                                                  PUNTUAZIOA

Jon Maia Soria                                                      456,5
Ane Labaka Mayoz                                                444
Iñigo Mantzizidor Larrañaga "Mantxi"                  427
Beñat Iguaran Amondarain                                 420
Eli Pagola Apezetxea                                             420
Haritz Mujika Lasa                                                 409

350 bertsozalek lepo bete Beasaingo Usurbe antzokia. Leihatila 16:00etan ireki da aurrez saldu gabe zeuden sarrerak saltzeko eta bost minututan guztiak amaitu ziren.

Datorren asteburuan Azpeitin eta Lasarte-Orian
Gipuzkoako Bertsolari Txapelketak hurrengo asteburuan izango du segida. Bi saio jokatuko dira; larunbatean Azpeitiako Soreasu antzokian Amaia Iturriotz, Ander Lizarralde, Arkaitz Oiartzabal "Xamoa", Nahikari Gabilondo, Nerea Elustondo eta Unai Mendizabalekin. Igandean, berriz, Lasarte-Oriako Manuel Lekuona kultur etxean izango da saioa, Aitor Irastortza, Beñat Lizaso, Gorka Azkarate, Maider Arregi, Mikel Artola eta Xabier Sukia bertsolariekin. Bata zein bestea, arratsaldeko 17:30ean hasiko dira.

Ohi bezala, bi saioetarako sarrerak salgai daude www.bertsosarrerak.eus webgunean.

• 
•