Gipuzkoako Bertsolari Txapelketa 2015-10-01

Elgoibarren izango da asteburuko hitzordua

 Asteburu honetan final zortzirenetako kanporaketa bakarra jokatuko da Gipuzkoako Bertsolari Txapelketan. Elgoibarko Herri Antzokian izango da hitzordua larunbatean, arratsaldeko 17:30etatik aurrera. Asier Iriondo gidari dela, honako seikote hau aterako da kantura:

 Manu Goiogana
 Unai Muñoa
 Oihana Iguaran
 Iñigo Gorostarzu
 Iban Urdangarin
 Manex Mujika

 Hamalauna bertso puntuagarri
 
 Fase honetan bertsolariek hamalauna bertso puntuagarri kantatu beharko dituzte. Honako hauek dira egin beharreko ariketak:

 -Binaka, gaia emanda, zortziko handian hiruna bertso.
 -Binaka, gaia emanda, zortziko txikian hiruna bertso.
 -Bakarka, lehen puntua emanda, zortziko txikian bina bertso.
 -Binaka, gaia emanda, hamarreko txikian hiruna bertso.
 -Kartzelako lana: Bakarka, gaia emanda, nahi den doinu eta neurrian, hiruna bertso.

 Sarrerak eskuragarri

 Oraindik ere badago saiorako sarrerak erosteko aukera. Internet bidez www.bertsosarrerak.eus atarian egin daiteke erosketa. Sarrera arruntak 9 euroko prezioa dauka, baina Bertsozale Elkarteko bazkideek 6 eurotan eskuratu dezakete eta gaztetxoek 4 eurotan. Horrez gain, saioaren aurretik arratsaldeko 16:00etan zabalduko dira leihatilak.

 Sailkapena

 Hiru saio jokatuta, honela dago sailkapena:

 1.- Jon Maia                     456,5 puntu, zuzenean sailkatua
 2.- Ane Labaka                   444 puntu
 3.- Arkaitz Oiartzabal "Xamoa"   439,5 puntu, zuzenean sailkatua
 4.- Nerea Elustondo              432 puntu
 5.- Iñigo Mantzizidor "Mantxi"   427 puntu
 6.- Nahikari Gabilondo           426,5 puntu
 7.- Beñat Lizaso                 426 puntu, zuzenean sailkatua
 8.- Ander Lizarralde             425,5 puntu
 9.- Unai Mendizabal              424 puntu
 10.- Amaia Iturriotz             421 puntu
 11.- Beñat Iguaran               420 puntu
 12.- Eli Pagola                  420 puntu
 13.- Maider Arregi               415 puntu
 14.- Mikel Artola                415 puntu
 15.- Xabier Sukia                412,5 puntu
 16.- Haritz Mujika               409 puntu
 17.- Aitor Irastorza             399,5 puntu
 18.- Gorka Azkarate              398 puntu 

• 
•