Gipuzkoako Bertsolari Txapelketa 2015-10-28

Errenteriako bertsoak sarean

Igandean Errenterian jokatutako final-laurdeneko bertsoaldi onenak ikugai dituzue. Beñat Gaztelumendik irabazi zuen eta zuzenean sailkatu da hurrengo fasera. Azaroaren 29an Tolosan izango den finalaurrekoan abestuko du. Datorren asteburuan Zestoan eta Ormaiztegin izango dira saioak.

Beñat Gaztelumendik irabazi zuen igandean Errenterian egin zen saioa; Gipuzkoako Bertsolari Txapelketako bigarren final-laurdena. Hurrengo fasera zuzenean sailkatu da Gaztelumendi eta azaroaren 29an Tolosan izango den finalaurrekoan abestuko du.

Beste bost bertsolariak hurrengo saioetan gertatzen denaren zain geratu dira. Honela sailkatu ziren Errenterian, hurrenez hurren: bigarren geratu zen Iñaki Gurrutxaga, hirugarren Jon Martin, laugarren Ane Labaka, bosgarren Iñigo Mantzizidor "Mantxi" eta seigarren Amaia Iturriotz. Lortutako puntuazioen arabera, honela dago final-laurdenetako behin-behineko sailkapena.

Hemen ikus ditzakezue Errenteriako bertsoaldi onenak eta orain arteko saioetako bideo guztiak dituzue Bertsoako atal berezian.

Hurrengo saioak
Datorren asteburuan jokatuko dira final-laurdenetako hurrengo bi saioak Zestoan eta Ormaiztegin. Sarrerak salgai dituzue www.bertsosarrerak.eus atarian.