Gipuzkoako Bertsolari Txapelketa 2015-11-03

Zestoako bertsoaldi onenak ikusgai

Zestoan jokatu zen larunbatean Gipuzkoako Bertsolari Txapelketako hirugarren final-laurdena. Nahikari Gabilondok lortu zuen lehen postua eta finalaurrekoetarako zuzeneko txartela. Gainontzekoak horrela sailkatu ziren: bigarren Alaia Martin, hirugarren Jon Maia, laugarren Jokin Uranga, bosgarren Manex Mujika eta seigarren Eneritz Artetxe. Ikusgai dituzue hango bertsoaldi onenak eta biharko prest izango ditugu Ormaiztegikoak.

Nahikari Gabilondok irabazi zuen larunbatean Gipuzkoako Bertsolari Txapelketako hirugarren final-laurdena Zestoan. Honenbestez, abenduaren 6an Eibarren jokatuko den finalaurrekoan izango da zarauztarra.

Gainontzekoak datorren asteburuan Eskoriatzan jokatuko den azken final-laurdenaren zain geratu dira finalaurrekoetarako sailkapena ezagutzeko. Oraingoz, horrela dago bigarren fase honetako behin-behineko sailkapena.

Hemen dituzue ikusgai Zestoako bertsoaldi onenak eta biharko prest izango ditugu Ormaiztegikoak.