Igandean Ormaiztegin jokatu zen Gipuzkoako Bertsolari Txapelketako azkenaurreko final-laurdena. Ander Lizarraldek irabazi zuen eta finalaurrekoetarako zuzeneko txartela lortu zuen. Gainontzekoak horrela sailkatu ziren, hurrenez hurren: bigarren Felix Zubia, hirugarren Iñaki Apalategi, laugarren Arkaitz Oiartzabal "Xamoa", bosgarren Unai Gaztelumendi eta seigarren Maider Arregi. Ikusgai dituzue hango bertsoaldi onenak.
Gainontzeko bostak datorren igandean Eskoriatzan jokatuko den final-laurdenean zer gertatzen denaren zain geratu dira hurrengo fasera sailkatu diren ala ez jakiteko. Horrela dago behin-behineko sailkapena.
Ikusgai dituzue Ormaiztegiko bertsoaldiak eta Gipuzkoako Bertsolari Txapelketaren atal berezian, orain arteko nabarmenenak.