"Kapulana bat zintzilik" ikuskizun berezia 2015-11-11
Miren Amuriza kapulana bat jantzita
Miren Amurizak "Kapulana bat zintzilik" ikuskizuna sortu du Mozanbikera egindako bidaian oinarrituta. Lankurekin eta Mundukide Gobernuz Kanpoko Erakundearekin elkarlanean jarri du martxan proiektua eta herriz herri dabil hango bizipenak eta bidaiak eragin dizkion hausnarketak plazaratzen. Hurrengo emanaldia larunbatean izango da Ezkio-Itsason.
Bertsoak, kantuak, ipuinak, musika.... denetik du Miren Amurizaren ikuskizun berriak. Udan Mozanbikera egindako bidaiatik sortu du "Kapulana bat zintzilik". "Ez diot inorri lekziorik eman nahi, nire bizipenek eragin dizkidaten hausnarketak plazaratu nahi ditut eta gero entzuleak berak atera ditzala ondorioak" dio Miren Amurizak.Lankurekin eta Mundukide Gobernuz Kanpoko Erakundearekin elkarlanean jarri du martxan proiektua. Hamabost urte bete ditu Mundukidek eta urteurrenaren aitzakian, argazki-erakusketa eta Miren Amurizaren ikuskizuna ibiliko dira herriz herri.
Hurrengo emanaldiak
Datorren larunbatean Ezkio-Itsason izango da "Kapulana bat zintzilik", arratsaldeko 18:00etan udal-liburutegian. Datorren hilean beste bi emanaldi izango ditu: abenduaren 2an Zaldibarren eta 3an Anoetan.
Albiste gehiago
Anonyme Popularren agurreko kontzertuak maiatzean eta ekainean 2024-04-18
Anonyme Popular: 'Azken agurrak' bira Gasteiz, Baiona eta Bilbon
Maddi Aiestaran Iparragirre - Osinalde Sariko balorazioa 2024-04-08
«Helburua zen guretik kantatzea eta uste dut neurri handi batean lortu dugula»
Jone Larrinaga Dañobeitia - Bertsolari Bertsozale Podkasta 2024-03-28
«Bertsolaritzaren garapena aberatsagoa da espektatibarik gabe»
Mikel Artola Izagirre - Gipuzkoako Bertsozale Elkarteko koordinatzailea 2024-03-26
«Gipuzkoan 10-50 urte bitarteko bertsolari ia denek kantatuko dute udaberrian»
Juanjo Uria Zubiarrain - Bertsolari bertsozale podkasta 2024-03-15
