26 bertso-eskolek hartuko dute parte 2015-11-17

Abian da Bertsotruk, bertso-eskolen arteko desafioa

Agurainen aurkeztu dute Bertsotruk asteburuan, Bertso-Eskolen Egunean, Euskal Herriko Bertso Eskolen Batzordearen eskutik. Bertso-eskolen arteko ekimena da, irabazle eta galtzailerik gabeko desafioa. 26 bertso-eskolak hartuko dute parte. Emanaldia edozein motatakoa izan daiteke: bertso-saio formala, bertso-bazkaria, bertso-antzerkia, bertso-jolasen bat...Helduen bertso-eskolen arteko harremnak sustatzea da helburua. Azarotik datorren maiatzara bitartean iraungo du.
 
Bederatzi multzotan banatuta
Euskal Herriko Helduen Bertso Eskolen Batzordeak jarri du abian eta 26 bertso-eskolek eman dute parte hartzeko izena. 26 bertso-eskola horien artean multzoak osatu dira, guztira 9 multzo (3 bertso-eskolako 8 multzo eta 2 bertso-eskolako multzo bat).

Bertso-eskola bakoitzak bere multzoko beste biak hartuko ditu etxean, eta beste bi herrietako bertso-eskolek antolatutako ekitaldietara joango da. Emanaldia edozein motatakoa izan daiteke: bertso-saio formala, bertso-bazkaria, bertso-antzerkia, bertso-jolasen bat...

Bertso-eskolak arduratuko dira euren saioen berri emateaz: agenda Xenpelar Dokumentazio Zentroaren BDB atariaren bitartez, eta saioen nondik norakoak Bertsoaren atariaren bidez.

Parte hartzaileak, multzoka

·         ALBE - Debagoiena - Lesaka
·         Barañain - Durangaldea - Zarautz
·         Mungia/Larrabetzu - Oñati - Sakana
·         Gernika-Lumo - Harituz - Lekunberri/Leitza
·         Enkarterri - Erniarraitz - IEH
·         Agurain - Gabiri - Lasarte-Oria
·         Aramaio - Hernani - Zumarraga/Urretxu
·         Goierri - Kakiturri - Txingudi
·         Markina-Xemein – Orio

 

• 
•