Atzo aurkeztu zuten donostian 2015-11-25

'Nork' eleberri grafikoa aurkeztu dute Xabi Payak eta Patxi Gallegok, Bertsolari aldizkariaren 100. alerako

Xabi Payak bertsolariak eta Patxi Gallego kimikigileak 'Nork' komikia aurkeztu atzo Donostian, Antxoka Agirre Bertsolari Aldizkariko zuzendariarekin batean. Aldizkariaren 100. alean dator lana. Andoni Egañak bosgarren txapela janzten du eta agurra kantatzen ari dela hil egiten da. Horren bueltan korapilatzen da haria. Bertso munduko pertsonak ez ezik euskal kulturgintzako hainbat aurpegi ere agertzen dira kontakizunean, beren izen eta abizenekin  Bertsoa oso presente dago lan ososan zehar: koplak, bertsoak, segidilla, puntu erantzunak...

Lau detektibe, lau ikuspegi
Lau detektibek ikertzen dute Andoni Egañaren heriotza eta detektibe bakoitzak euskal kulturgintzari begiratzeko modu bat errepresentatzen du, Payaren esanetan: kontserbadorea, gertukoa, periferikoa eta objetiboa. Lanean genero desberdinak uztartzen dira eta estilo dialektikoa da nagusi, izan bertsotan izan elkarrizketetan.

Doinuen erreferentziak
Bertsoak kantatutak izateko helburuz daude idatzita eta horretarako Xabi Payak bertso bakoitzaren doinu erreferentziak eskaini dizkio irakurleari, Xenpelar Dokumentazio Zentroaren BDB datu basean non aurkitu adierazteko.  

100 pertsonaiatik gora eta estilo dialektikoa

• 
•