2015-12-10
Inaxi Etxabek (Oikia, Zumaia 1933) jantziko dio Gipuzkoako txapeldun berriari txapela. Etxe giroan sortu zitzaion bertsozaletasuna, eta gazte-gaztetatik hasi zen bertsoak egiten, egun Zarautzen bizi den protagonistari. 50eko hamarkadan sari batzuk irabazi zituen. Hala ere, garaiko bertsolari emakumeen moduan, bertso jarduera ezin izan zuen plazetara eraman, gizonezkoen eremua baitzen. Urte asko pasako ziren Etxabe plazan kantatzeko aukera izan arte.
Ezaguna da Inaxi Etxabek Basarrirekin izan zuen ika-mika. Basarrik “Aitonaren malkoek” izeneko bertsoak idatzi zituen, eta Etxaberi emakumeen inguruan esaten zituenak ez zitzaizkion batere gustatu. Hari erantzunez, bertso batzuk egin zizkion Basarriri.
Plaza ukatu zaien bertsolari emakumeen belaunaldi oso baten ordezkari gisa, 2015eko Gipuzkoako Bertsolari Txapelketako irabazleari txapela jarriko dio Inaxi Etxabek.
Bihar Bertsoak, Iñaxi Etxabek Basarriri idatzitako bertsoak eskainiko ditu, bere ahotik kantatuta. Eta Nahikari Gabilondok berari egindako elkarrizketa zabala ere.
Anonyme Popularren agurreko kontzertuak maiatzean eta ekainean 2024-04-18
Maddi Aiestaran Iparragirre - Osinalde Sariko balorazioa 2024-04-08
Jone Larrinaga Dañobeitia - Bertsolari Bertsozale Podkasta 2024-03-28
Mikel Artola Izagirre - Gipuzkoako Bertsozale Elkarteko koordinatzailea 2024-03-26
Juanjo Uria Zubiarrain - Bertsolari bertsozale podkasta 2024-03-15