Gipuzkoako Bertsolari Txapelketa 2015-12-15

Beñat Gaztelumendi: "Finaleko espektatibei ihes egin eta nire barnean bilatu nahi dut"

Bi aldiz izan da txapeldunorde Beñat Gaztelumendi Gipuzkoako finalean. Lehenengoan "lekuz kanpo sentitu" zen buruz burukoan eta bigarrenean asko ikasi zuela "frogatu nahiak jan egin" zuen. Beraz, larunbateko finalean "bere barneko ahotsa" bilatu nahi du añorgarrak.
"Finala beti da berria baina lehenago han egoteak erakusten du nolakoa den eta zer ez den egin behar". Izan ere, Beñat Gaztelumendik hirugarren finala izango du larunbatekoa eta atera ditu irakaspenak aurreko bietatik. "Lehenengoan bigarren egin nuenean ez zegokidan lekuan nengoela iruditu zitzaidan eta bigarrenean, lau urtetan asko ikasi nuela frogatu beharrak jan egin ninduen. Beraz, larunbatean finalaren espektatibetatik ihes egin eta nere barnean bilatu nahi dut".

Gainera, "uste dut larunbateko taldea fuertea dela. Kantu-lagun onak dira zazpiak eta ekipo horri neretik eman nahi diot. Ea denon artean festa handia osatzen dugun".


Ilunbeko finala, erreferente Donostian

Donostiar moduan, "badakit hiri honetan euskarazko ekitaldiek ikusgarritasun arazoak izaten dituztela eta zentzu horretan, Ilunbe erreferentzia bihurtu da Donostiako euskaltzaleentzat; eta arnasaldia ere bada lau urtez behin final hau izatea".


Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin