BERTSOTRUK 2015-12-23
Jarraitu desafioa Bertsoaren sareko plazan
Martxan da Euskal Herriko bertso-eskolen arteko Bertsotruk ekimena eta dagoeneko egin dituzte saio batzuk. Bertsoaren sareko plazan lekutxo bat egin diogu proiektu berri honi eta atal berezi bat sortu dugu saioetako kronikak, argazkiak eta bideoak ikusgai jartzeko. Bideo hau Tolosaldeko Harituz Bertsozale Taldearen eta Gernika-Lumoko Lilibertsoren arteko desafiokoa da.
Martxan da Euskal Herriko bertso-eskolen arteko Bertsotruk ekimena eta dagoeneko egin dituzte saio batzuk. Bertsoaren sareko plazan lekutxo bat egin diogu proiektu berri honi eta atal berezi bat sortu dugu saioetako kronikak, argazkiak eta bideoak ikusgai jartzeko.
Bideo hau Tolosaldeko Harituz Bertsozale Taldearen eta Gernika-Lumoko Lilibertsoren arteko desafiokoa da. Abenduaren 4an egin zuten Alegiako gaztetxean eta Koldo Gezuragak egin digu hango kronika:
Esperientziak elkartrukatzea elkarbanatzearen sinonimo bada, Alegiko egonaldia musutruk atera zen. Bi herrietako kideak elkar ezagutu ez arren elkarrizketa paregabeak sortu ziren lehen momentutik, gosea uxatzeko odolki tortilla eta oilaskodun afari emankorraren truke.
Bertso gosea asetzeko, berriz, gaztetxea berotasun handia transmititu zuen jendez betetzea besterik ez zen behar izan, bertso eskola bateko hiru partaidek beste eskolako hiru bertsolarirekin opari errimatuak trukatzeko. Paper aldaketak, karta jokoak eta umorezko pasarterik ez zen falta izan saioan zehar. Tarteka, Alegiko Iñaki Artola kirolari eta bertsolariak ere jaso behar izan zuen pilotakadaren bat edo beste bertso forman, ezaguna izatearen truke pasatu beharreko une diberrtigarriak.
Bukatzeko, ez zen Alegin ahalegin handirik egin behar izan giroa berotzeko, bi eskolen arteko erlazioa elkar ezagutu eta segidan ezinhobea bihurtu baitzen, saio osteko parrandaraino iraun zuelarik. Finean, bertsoa ez baita oholtzara igo eta publikoarekin istorioak trukatzea soilik, bertsoa berme luzeko harremanen oinarri baita, Gernikan, Alegin zein edonon ondo pasatzeko aitzakien sorrera, egun hartan guztiaren gainetik irriak trukatu baitziren.
Albiste gehiago
Anonyme Popularren agurreko kontzertuak maiatzean eta ekainean 2024-04-18
Anonyme Popular: 'Azken agurrak' bira Gasteiz, Baiona eta Bilbon
Maddi Aiestaran Iparragirre - Osinalde Sariko balorazioa 2024-04-08
«Helburua zen guretik kantatzea eta uste dut neurri handi batean lortu dugula»
Jone Larrinaga Dañobeitia - Bertsolari Bertsozale Podkasta 2024-03-28
«Bertsolaritzaren garapena aberatsagoa da espektatibarik gabe»
Mikel Artola Izagirre - Gipuzkoako Bertsozale Elkarteko koordinatzailea 2024-03-26
«Gipuzkoan 10-50 urte bitarteko bertsolari ia denek kantatuko dute udaberrian»
Juanjo Uria Zubiarrain - Bertsolari bertsozale podkasta 2024-03-15
