Arabako Bertso-Kuadrilla Artekoa 2016-02-11
Araian eta Zalduondon izango da hirugarren topaketa
"Lautadako Sorginetxe", "Zalduondoko Lupizarrateko Txerrenak" eta "Legutioko Bostibaieta" taldeak ariko dira larunbatean. Goizetik bazkalostera bitarteko egitaraua izango dute. Goizean Araiako kaleetan barrena ibiliko dira tabernaz taberna, bertsoa eta txalaparta uztartuz. Zalduondoko Elkartean bazkaldu ondoren, bertsoa bolo jokoarekin nahastuta egingo dute saioa.
Joan zen asteburuan atseden hartu ondoren, larunbat honetan itzuliko da Arabako Bertso-Kuadrilla Artekoa, hirugarren topaketarekin. Oraingo honetan Araian eta Zalduondon izango da hitzordua eta, ohikoa den bezala, egun osoko egitaraua prestatu du Lautadako Bertso Eskolak.Goizean tabernaz taberna
Eguerdiko 12:00etan elkartuko dira "Lautadako Sorginetxe", "Zalduondoko Lupizarrateko Txerrenak" eta "Legutioko Bostibaieta" taldeetako kideak, Araiako Aratz tabernan. Hortik aurrera, tabernaz taberna ariko dira kantuan, bertako txalapartaren laguntzaz.
Bazkaria Zalduondon
Behin tabernaz tabernako saioa bukatu ondoren, eguerdiko 14:30ean bazkaria egingo dute Zalduondoko Elkartean. Bazkalostean berriz ere saio berezia egingo dute, bertsoa bolo jokoarekin uztartuz.
Albiste gehiago
Anonyme Popularren agurreko kontzertuak maiatzean eta ekainean 2024-04-18
Anonyme Popular: 'Azken agurrak' bira Gasteiz, Baiona eta Bilbon
Maddi Aiestaran Iparragirre - Osinalde Sariko balorazioa 2024-04-08
«Helburua zen guretik kantatzea eta uste dut neurri handi batean lortu dugula»
Jone Larrinaga Dañobeitia - Bertsolari Bertsozale Podkasta 2024-03-28
«Bertsolaritzaren garapena aberatsagoa da espektatibarik gabe»
Mikel Artola Izagirre - Gipuzkoako Bertsozale Elkarteko koordinatzailea 2024-03-26
«Gipuzkoan 10-50 urte bitarteko bertsolari ia denek kantatuko dute udaberrian»
Juanjo Uria Zubiarrain - Bertsolari bertsozale podkasta 2024-03-15
