Europa Bat-Batean 2016-04-14

Elkarlan zabal baten emaitza

Arrate Illarok talde antolatzailearen izenean nabarmendu du ia 100 laguneko lan-taldea dagoela proiektuaren atzean. Pablo Berastegui Donostia 2016-ko Zuzendari Nagusiak eta Carmen Agoués EHUko Udako Ikastaroetako zuzendariak ere elkarlana nabarmendu dute. Andoni Egaña Mintzola Ahozko Lantegiko Patronatukideak balioa eman dio proiektuak helburuetan duen zehaztasunari.
 2003an antolatu ziren azkeneko aldiz Kantu Inprobisatuaren Nazioarteko Jardunaldiak Euskal Herrian. Orduan ere antolakuntzan ibili zen Andoni Egaña, gaur egun Mintzola Ahozko Lantegiko Patronatukide dena. Ordutik hona helburuak asko zehaztu direla nabarmendu du, lau izango baitira Europa Bat-Batean proiektuaren ardatzak: kantu inprobisatuek elkar ezagutzea, transmisio-bideak aztertzea, kantu inprobisatuei genero ikuspegi batetik begiratzea eta kantu inprobisatuak hizkuntza gutxituetan duen funtzioa aztertzea.

 Antolakuntza talde zabala

 Antolakuntza taldean dabil Arrate Illaro. Gaur egun taldeak duen indarra nabarmendu du, batzorde eta azpi-batzordeetan denera ia 100 lagun ariko baitira antolakuntza lanetan.

 Proiektuak Donostia 2016 eta EHUko Udako Ikastaroak izango ditu bidelagun. Pablo Berastegui Donostia 2016ko Zuzendari Nagusiak nabarmendu du Europako hizkuntza aniztasunak pisu handia duela beraientzat, eta ikuspegi horretan bete-betean txertatzen dela Europa Bat-Batean proiektua. Carmen Agoués EHUko Udako Ikastaroetako Zuzendariak azaldu duenez bi ardatz dituzte udako ikastaroek: euskararen hedapena eta nazioarteratzea. Eta biak ikusten ditu proiektuan.

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin