Amurizaren bat-bateko azken plazako bertsoak sarean
Sareko plazan dira Xabier eta Miren Amurizak, Altzon Elordi elkartean egindako saioko bertsoak. Bertsolaritza modernoaren erreferentzia nagusiaren agurreko saioa izan zen. Bertsoa.eus-ek jaso zituen ekitaldiko bertsoak.
Sareko plazan dira Xabier eta Miren Amurizak, Altzon Elordi elkartean egindako saioko bertsoak. Bertsolaritza modernoaren erreferentzia nagusiaren agurreko saioa izan zen. Bertsoa.eus-ek jaso zituen ekitaldiko bertsoak. Librean aritu ziren Elordi elkartea tope beteta eta agur giro sentituan kantatu zuten bi bertsolariek. Altzotarrak ez ezik, bertso munduko aurpegi ezagunak ere bai entzule: Iñaki Murua Bertsozale Elkarteko lehendakaria, Asier Ibaibarriaga Bizkaiko Bertsozale Elkarteko lehendakaria, Anjel Mari Peñagarikano bertsolaria, Marta Agirrezabala Lankuko arduraduna... Librean egin zuten saio osoa, bi zatitan. Tartean, Xabier Amurizaren bertso jarriak abesteko parada jarri zuten antolatzaileek. Agurtzera zihoan maisu handiak sorpresa ere ekarri zuen. Altzon Mixel Ducau-ren Lurra abestia kantatu nahi zuen bere azken ekitaldian, eta halaxe egin zuen. Bukaeran, jendea zutik, gehienak begiak beteta, eta txalo luze batekin amaitu zen Xabier Amurizaren azken bat-bateko bertso plaza, 51 urteko bide emankorraren ondoren.