Beñat Krolem-en lana 2016-06-15

"Oholtza" performancearen aurkezpena larunbatean

"Oholtza" performancearen aurkezpena larunbatean
Bilboko Erriberako merkatuan izango da hitzordua, eguerdiko 12:00etan. Mintzola Ahozko Lantegiaren eta Mikel Laboa Katedraren beka jaso zuen "Bertsolaritzaren hitzaren arteko irudia" izeneko proiektuarekin.
 Bertsolaritza gertutik jarraitzen ari da Beñat Krolem (Bilbo, 1990) azken hilabeteotan. Euskal Herriko Unibertsitatean Arte Ederretan lizentziatua da, University of the West of Englanden, Bristolen, urtebete igaro ondoren. Mintzola Ahozko Lantegiak eta Mikel Laboa Katedrak emandako proiektu sarietako bat eskuratu zuen iaz, eta "Bertsolaritzaren hitzaren arteko irudia" lanean dihardu buru belarri. Lan horri lotuta, "Oholtza" performancea osatu du. Larunbat honetan egingo du aurkezpena, egurdiko 12:00etan, Bilboko Erriberako merkatuan. Jon Martin eta Jone Uria bertsolariak lagun izango ditu.

 Lanaren azalpena

 Beñat Krolemek honela azaltzen du bere lana: "Oholtza bertsolariari jarduteko toki bat eskaintzen dion eraikuntza-aldagaien multzoa da, mugikorra eta artikulagarria. Bat-bateko eraikuntza-jokoa da, pieza-multzoen bitartez osatzen dena. Emanaldiaren unean bertan proiektatu, diseinatu eta muntatzen diren egiturak dira. Bertsolariak abestu duen unean bertan hitzekin sortzen duen bertsoaren pareko prozezuak dira. Oholtza bertsoa sortzeko sormen-prozesuaren harremanaren eta gorputzaren jarreraren arteko azterketa da. Bertan, bertsolaria bera hitzen aldare bihurtu eta altxatu egiten da."

 Erakusketa ere bai

 Ez da hau izango Beñat Krolemek bertsolaritzari lotuta egindako lan bakarra izango. Uztailaren 11tik 16ra bitartean "Europa bat-batean" ekimeneko topaketak egingo dira Donostian. Goizetan jardunaldi akademikoak izango dira Miramar jauregian, eta bertan ikusgai izango da artista bilbotarraren "Oholtza" erakusketa.

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin