Aurten Ezkerraldean zita 2016-09-19

Bertso eskolak Portugaleten elkartu ziren festa giroan

Ezkerraldean elkartu ziren Euskal Herriko bertso eskolen egunean, bertsoa eta festa giroa progatonista zirela. Bertso poteoarekin berotu zituzten motorrak Portugaleteko alde zaharrean. Ondoren, bazkaria eta bertso trama egin zuten. Arratsaldea Bertsotruken edizio berria aurkezteko ere baliatu zuten bertso eskolek eta Aneguriareki jarraitu zuen festak iluntze gauean.

Ezkerraldeko bertso eskolak oso pozik
Ezkerraldeko bertso eskolentzat egun handia izan zen larunbatekoa, halaxe aitortu ziguten Asier Alcedo eta Idoia Anzoraindia bertso eskolako kideek, bertsoaren presentzia kalean indartzeko eta zaletasuna indartzen laguntzeko baliagarri izango delakoan.

Batzordeak ere balorazio positiboa
Izar Mendigurenek Bertso eskolako batzordearen izenean balorazio positiboa egin zuen. Urtero bertso eskolen eguna herrialdez aldatzen doa. Iaz Agurainen izan zen eta han Ezkerraldeko bertso eskolek interesa agertu zuten eguna eskualdean ospatzeko. Grina hori txalotu du Mendigurenek, era berean bat datorrena Bertso Eskolen batzordearen filosofiarekin, bertso eskoletako ekimenak eta esperientzia desberdinak partekatzeko.

• 
•