Txinboan zabuka, txapeldun berria izango duen txapelketa Bizkaian
Atzo aurkeztu zuten Bizkaiko Bertsolari Txapelketako udazkeneko fasea Bilbon. 36 bertsolarik hartuko dute parte. Mungian hasiko da urriaren 15ean eta Bilbon jokatuko da finala abenduaren 17an, Miribillan. Jauzia eragitea da helburu nagusia, bai bertsolaritzan bai parte hartuko duten bertsolariengan. Aurtengo edizioan txapeldun berria ere utziko du txapelketak, azken txapeldunak, Fredi Paiak, ez baitu parte hartu.
Atzo aurkeztu zuten Bizkaiko Bertsolari Txapelketako udazkeneko fasea Bilbon. 36 bertsolarik hartuko dute parte. Mungian hasiko da urriaren 15ean eta Bilbon jokatuko da finala abenduaren 17an, Miribillan. Jauzia eragitea da helburu nagusia, bai bertsolaritzan bai parte hartuko duten bertsolariengan. Aurtengo edizioan txapeldun berria ere utziko du txapelketak, azken txapeldunak, Fredi Paiak, ez baitu parte hartu. Txapelketaren aurkezpena Bilboko Kafe Antzokian izan zen. Asier Ibaigarrriaga Bizkaiko Bertsozale Elkarteko lehendakaria, Ione Narbaiza Sustapen eragilea eta Ana de Castro Foru Aldundiko Euskara zuzendaria izan ziren ekitaldian.
"Bitartean bertsolariak txinboan zabuka dabiz, zabuan txinboka dabiz, dinbili-dantzan berben balantzan, pentsamentu-hausnarrean, euren eginbeharrean, txintxaunean zinburuka, aurreraka, atzeraka, sokari gogor helduta, hitzak gogoan hartuta" dio Joseba Etxebarria antolakuntzako kideak txapelketaren mezu ofizialean.
Txapelketak 9 saio izango ditu denera, udazkeneko fase honetan: bost final laurden, hiru finalaurreko eta finala.
Final laurdenak
Urriak 15, Mungia. Olalde aretoa.17:30 Aissa Intxausti Aburruza Aitor Bizkarra Ruiz Garikoitz Sarriugarte Onaindia Imanol Uria Albizuri Mikel Retolaza Etxebarria Miren Amuriza Plaza
Urriak 22, Sestao. Musika eskolako aretoa. 17:30 Arrate Illaro Etxebarria Asier Galarza Garai Eneko Abasolo Txabarri ‘Abarkas’ Inazio Vidal Gurrutxaga Josu Landeta Egurrola Peru Vidal Gurrutxaga
Urriak 29 Leioa. Leioa Kutur Auditoriuma. 17:30 Ander Elortegi Garatea Ibon Ajuriagojeaskoa Garmendia Joseba Artza Zubillaga Joseba Barandiaran Andueza Mikel Goiriena Larrazabal Txaber Altube Sarrionandia