'Adin-Adin' programa 2016-10-11

Bertsoa zahar etxeetan, gaitasun psikoemozionalak lantzeko

Joan den astean eman zitzaion hasiera Tolosako Uzturre zahar etxean “Adin-adin” egitasmoari eta beste 12 saio egingo dira Euskal Herriko zahar etxeetan urria eta abendua bitartean. Gipuzkoan, hirugarren urtez segidan egingo da proiektua; oso arrakastatsua izan zen Tolosako Uzturre egoitzan egin zen lehen saioa,  Sebastian Lizasoren eta Oihana Iguaranen eskutik. Orain arte egindako bideak erakutsi du ekimenaren arrakastaren gakoa adinekoen -“parte-hartzea”- bultzatzean datzala, batetik eta beraien arteko harremana -“hobetzean”- bestetik, Lankun adierazi duenez.

Aurten heldu gehiagorengana iritsiko da proiektua, eguneko zentroetako adinekoak zahar etxeetara hurbilduko baitira. Horretaz gain bi saio gehiago egingo dira, Elizondon eta Aramaion hurrenez hurren.

“Adin adin” egitasmoaren helburua, bertsoa ardatz, adineko pertsonen gaitasuna sustatzea da, adinekoen bizi kalitatea hobetuz eta gaitasun psikoemozionalak landuz. Proiektu honen bidez, euskal kulturaren adierazpide nagusienetakoa den bertsolaritza zahar etxeetara iritsarazi da, ahozkotasunak duen potentzial osoarekin, terapeutikoki zein ludikoki.

Metodologia bereziarekin lantzen dira bertso saio hauek. Aurrez zahar etxeetako dinamizatzaile eta animatzaileek lanketa berezi bat egiten dute bertso zahar eta kantu herrikoien inguruan egoilarrekin, horrela bertsolariak doazenerako parte-hartzea aktibatzeko. Egoitza bakoitzera bi bertsolari joaten dira, ahal bada eskualdekoak, ezagutzagatik, bi belaunaldi ezberdinetakoak eta gizonezko eta emakumezko bat izatea ere ahalbidetzen da.

Adin-adin saio zerrenda

• 
•