Momentuari helduz 2016-10-27

Bertsoa eta musika inprobisazioak uztartuta

Joan zen asteartean Iruñeko Bertsoaroan aritu ziren Oskar Estanga eta Alazne Untxalo bertsolariak Satxa Soriazu, Aritz Luruziaga eta Alberto Arteta musikarien laguntzaz "Momentuari helduz" emanaldi bereziaren estreinaldian. Saioaren xehetasunak azaldu zizkiguten.
 Denbora da Oskar Estanga bertsolaria musikari lotutako emanaldietan batera eta bestera dabilela. Behin, Garesen saio musikatu bat egitera joan eta Alazne Untxalo bertsolariarekin eta Alberto Arteta musikariarekin elkartu zen. Entseguetan frogak egiten hasi, gustatu eta lan horretan sakontzea pentsatu zuten. Hortik sortu da "Momentuari helduz" emanaldi berezia.

 "Bertsolariak musikari eta musikariak bertsolari"

 Alazne Untxalok azaldu duenez, lehendik ere badu esperientzia musikaren laguntzaz kantatzeko, musika-talde batean aritua baita. Oskar Estangaren iritziz, emanaldi berriari esker pausu bat eman dute aurrera, musikariek eta bertsolariek elkarrekin inprobisatuko baitute. "Musikariak bertsolari eta bertsolariak musikari" ariko dira, beraz.

 Iruñeko Bertsoaroan

 Joan zen asteartean Iruñeko Bertsoaroaren baitan izan zuten estreinaldia, Kondestablearen jauregiko Civivox hitzaldi areto dotorean. Jende asko bertaratu zen saioa jarraitzera, eta entzuleek berotasunez hartu zuten proposamena. Emanaldiko unerik onenak ikusgai daude Bertsoan, eta baita protagonisten hitzak ere.

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin