Pasa den asteburuan jokatu ziren 2017ko Arabako Bertsolari Txapelketan kantatzeko lehen bi kanporaketak. Maeztun Asier Otamendik irabazi zuen eta Lantziegon Andere Arriolabengoak; beraz, biak zuzenean sailkatu dira urtarrilean hasiko den txapelketara. Gainontzekoak asteburu honetan jokatuko diren beste bi kanporaketetean gertatzen denaren zain geratu dira.
Asier Otamendi eta Andere Arriolabengoa
2017ko Arabako Bertsolari Txapelketan izango dira kantuan. Pasa den asteburuan jokatu ziren lehen bi kanporaketak eta saioa irabazita, zuzenean sailkatu dira urtarrilean hasiko den txapelketara.
Horrela sailkatu ziren bertsolariak, ostiralean Maeztun:
1.Asier Otamendi 193 puntu
2.Felipe Zelaieta 153,5 puntu
3.Unai Bengoetxea 142 puntu
4.Maddalen Arrausi 121,5 puntu
Irati Anda eta Juan Mari Juaristi ez ziren kanporaketan izan eta seikotea osatzeko Julen Zulaika eta Ruben Sanchezek kantatu zuten, puntuatu gabe.
Eta larunbatean Lantziegon jokatu zen kanporaketaren sailkapena:
1. Andere Arriolabengoa 176,5 puntu
2. Paula Amilburu 163,5 puntu
3. Serapio Lopez 162,5 puntu
4. Asier Rubio 145 puntu
5. Jon Ruiz de Pinedo 144,5 puntu
6. Xabi Rico 130,5 puntu
Asteburu honetan jokatuko diren azken bi kanporaketetan erabakiko da zein diren 2017ko Arabako Bertsolari Txapelketan kantatuko duten bertsolariak.
Izarran eta Araian izango dira azken kanporaketak