Emanaldi berezia 2016-11-10

Txirrita larogei bertsotan

Txirrita hil zirenetik larogei urte bete diren honetan, emanaldi ugari ari dira egiten Ereñotzun. Tartean, hilaren 29an, Eñaut Agirrek kantaldi berezia eskaini zuen Imanol Kamioren eta Jexux Aranbururen musikak lagunduta.

"Nire aipamenak izango dira beste larogei urtian" kantatu zuen Joxe Manuel Lujanbio "Txirritak" hil aurretik. 1936an hil zen bertsolari ezaguna, eta aurten bete dira larogei urte. Ereñotzun ondo gogoan hartu dute efemeridea, eta urte osoan zehar egitarau ugari antolatu dituzte Txirrita gogoratzeko.

Txirrita larogei bertsotan

Tartean, urriaren 29an, Eñaut Agirrek kantaldi berezia eskaini zuen Imanol Kamiok eta Jexux Aranburuk lagunduta. Txirrita laurogei bertsotan gogoratzeko erronka hartu zuen, eta oso tonu desberdinetako bertsoen bidez erakutsi zuen Txirritaren izaera: umorezko bertsoak, Euskal Herriari buruzko ikuspegi kritikoa zutenak, zeharka hitz egiten zutenak, bere lagunekin izandako elkarrizketak... Aurpegi ugari zituen Txirritak, eta batzuk erakutsi zituzten emanaldian, Ereñotzuko pilotalekuan. Tartean, Hernaniko Bertso-Eskolako kideak ere atera ziren oholtzara kantuan laguntzera.

Emanaldiko laburpen zabala ikusgai dago Bertsoa.eus-en.