Bertsopaper lehiaketak 2016-11-16

Pello Mari Otaño eta San Antontxu bertsopaper lehiaketak martxan daude

 Bertsopaper lehiaketa ugari antolatzen dira Euskal Herrian. Une honetan, bi dira martxan daudenak.

 Pello Mari Otaño Bertsopaper Lehiaketa

 Alde batetik, Harituz Bertsozale Taldeak eta Zizurkilgo Teodoro Hernandorena kultur taldeak antolatuta, zabalik dago Pello Mari Otaño lehiaketara lanak bidaltzeko epea. Hiru kategoria bereizi dituzte antolatzaileek:

 -Gaztetxoen mailan hiru bertso edo sei koplako sortak bidali beharko dira.
 -Gazteen mailan gutxienez sei bertsoko sortak izan beharko dute
 -Helduen mailan, berriz, zortzi bertso izan beharko dituzte sortek gutxienez

 Lanak azaroaren 18a baino lehen bidali beharko dira info@hernandorena.eus helbidera. Sari-banaketa ekitaldia abenduaren 3an izango da.

 San Antontxu Bertsopaper Lehiaketa
 
 Bestetik, Mungiako Taket Bertsolaritza Alkarteak aurten ere San Antontxu bertsopaper lehiaketa antolatu du. Kasu honetan bi kategoria bereizi dituzte:

 -Gazteak (18 urtera artekoak): Gutxienez sei bertso eta gehienez zortziko sortak
 -Helduak (18 urte edo gehiagokoak): Gutxienez zortzi bertso eta gehienez hamabikoak

 Lanak abenduaren 31 baino lehen bidali beharko dira honako helbide honetara: taketba@gmail.com

• 
•