Mallabiko Bertsolari Gazteen II.Txapelketa 2016-12-16
Unai Mendizabalek irabazi du Mallabiko txapelketa
Mallabiko Bertsolari Gazteen Txapelketa bigarren aldiz antolatu du aurten bertako Gazte Taldeak. Abenduaren 2an jokatu zuten finala giro onean eta publikoak hala erabakita, Unai Mendizabalek irabazi zuen. Gainontzekoak honela sailkatu ziren: bigarren geratu zen Mikel Artola, hirugarren Eneko Araiztegi eta laugarren Eñaut Martikorena.
Abenduaren 2an jokatu zen Mallabiko Bertsolari Gazteen II.Txapelketa-ren finala. Mallabiko Gazte Taldeak antolatu du aurten bigarren aldiz eta beraien esanetan "nabarmentzekoa, urtero bezala, bertsolarien eta publikoaren arteko konexioa".45 lagun inguru elkartu ziren Mallabiko Izar Gorri elkartean eta kantuan Eñaut Martikorena, Unai Mendizabal, Eneko Araiztegi eta Mikel Artola. "Finala hasieratik bizi joan zen eta umorez beteta. Guztiek bertso ederren bat bota zuten, baina hasieratik ikusi zen Artola eta Mendizabal zertxobait, hobeto zeudela. Saioak, Araiztegi eta Artolaren puntukako saioarekin jo zuen goia", hori diote antolatzaileek.
Azkenean, publikoak hala erabakita, horrela sailkatu ziren bertsolariak:
1. Unai Mendizabal
2. Mikel Artola
3. Eneko Araiztegi
4. Eñaut Martikorena
Finaleko bertsoaldiak ikusgai dituzue Mallabiko Gazte Taldearen facebook orrian
Albiste gehiago
Anonyme Popularren agurreko kontzertuak maiatzean eta ekainean 2024-04-18
Anonyme Popular: 'Azken agurrak' bira Gasteiz, Baiona eta Bilbon
Maddi Aiestaran Iparragirre - Osinalde Sariko balorazioa 2024-04-08
«Helburua zen guretik kantatzea eta uste dut neurri handi batean lortu dugula»
Jone Larrinaga Dañobeitia - Bertsolari Bertsozale Podkasta 2024-03-28
«Bertsolaritzaren garapena aberatsagoa da espektatibarik gabe»
Mikel Artola Izagirre - Gipuzkoako Bertsozale Elkarteko koordinatzailea 2024-03-26
«Gipuzkoan 10-50 urte bitarteko bertsolari ia denek kantatuko dute udaberrian»
Juanjo Uria Zubiarrain - Bertsolari bertsozale podkasta 2024-03-15
