Kanporaketa ostiralean jokatu zen Iruñeko Katakraken 2016-12-19

Karasatorre, Illarregi, Ziganda eta Aleman sailkatu dira Nafarroako txapelketako final-laurdenetara

Nafarroako Bertsolari Txapelketarako kanporaketa-saioa jokatu zen ostiralean Iruñeko Katakraken. Txapelketan lehen aldiz izena eman duten zortzi bertsolarik hartu zuten parte eta horietatik lau sailkatu dira Nafarroako Bertsolari Txapelketako final-laurdenetara: Saats Karasatorre (Etxarri-Aranatz), Joanes Illarregi (Leitza), Joana Ziganda (Oskotz) ,etal Sahats Aleman (Barañain). Beraiekin batera aritu ziren kantuan  Ander Baiano (Barañain),  Ainara Ieregi (Barañain),  Aitor Irastortza (Azpirotz) eta Luis Mari Larreta (Aldatz).

Iruñeko Katakrakeko aretoa leporaino bete zen saiora gerturatu zen entzuleekin

Otsailean hasiko da Nafarroako Bertsolari Txapelketa
Honela, osatuta geratu da 2017ko Nafarroako Bertsolari Txapelketako parte-hartzaileen zerrenda. Guztira 35 bertsolarik eman dute izena eta horietatik 30 hasiko dira final-laurdenen fasean. Lehen saioa otsailaren 18an izango da eta finala apirilaren 8an.

• 
•