Egungo Arabako txapeldunak 229 puntu lortu zituen. Bigarren Rikardo Gonzalez de Durana gelditu zen, bi puntura. Langraitzeko Gizarte etxean jokatu zen finalaurrekoa, 100 bertsozaleren berotasunean. Bertso hautaketa sarean izango da laster.
Atzo jokatu zen Arabako Bertsolari Txapelketako lehen finalurrekoa. Manex Agirre izan zen irabazle 229 punturekin, Rikardo Gonzalez de Duranaren aurretik, bi puntuz. Langraitzeko Gizarte Etxean jokatu zen saioa aretoa jendez beteta zela. Hona puntuaketa:
Manex Agirre 229 puntu
Rikardo Gonzalez de Durana 227 puntu
Peru Abarrategi 222,5 puntu
Zigor Enbeita 215 puntu
Asier Rubio 204,5 puntu
Felipe Zelaieta 200,5 puntu
Finalaurrekoa irabazita, Manex Agirrek Legution kantatuko du bigarren itzulian, martxoaren 4an. Gainontzekoek puntuazioen zain geratuko dira.
Zazpi lagunez osatutako gai-jartzaile taldetik Marta Ugarte izan zen Langraizko aurkezlea. Lehenengo itzuliaren 3 finalaurrekoetako epaimahaia, horrela osatuta dago: Patxi Aizpurua, Iker Elexpuru eta Ainhoa Aizpurua. Idazkari lanetan Esti Zengoitibengoa.
Datorren igandean, Zigoitian, 1.itzuliko bigarren finalaurrekoa jokatuko da.