Hitzetik Hortzera 2017-03-24

Arabako finalera begira jarriko da Hitzetik Hortzera

 Asier Otamendi, Oihane Perea, Serapio Lopez, Xabi Igoa, Iñaki Viñaspre eta Manex Agirre. Horixe da apirilaren 1ean Gasteizko Printzipal Antzokian Arabako Bertsolari Txapelketako finala jokatuko duen seikotea.

 Finalisten hitzak
    
 Arabako Bertsolari Txapelketako finalera begira jarriko da jada Hitzetik Hortzera. Sei finalisten hitzak jasoko ditu igande honetako programak: Txapelketan finalaurrekoen bi itzulietan izan dituzten sentsazioen eta finalera begira dauzkaten asmoen berri emango dute.

 Finalaurrekoetako bigarren itzuliko bertso onenak
   
 Dena den, bertsoek beteko dute programako zatirik zabalena igande honetan ere. Legutio, Laudio eta Aramaion jokatutako hiru finalaurrekoetako bertsoaldi onenak bilduko ditu programak. Legution Manex Agirre, Iñaki Viñaspre, Peru Abarrategi, Iker Agirre, Felipe Zelaieta eta Jon Ruiz de Pinedo aritu ziren kantuan; Laudion Xabi Igoa, Paula Amilburu, Rikardo Gonzalez de Durana, Ander Solozabal, Asier Rubio eta Jagoba Apaolaza eta Aramaion Asier Otamendi, Oihane Perea, Serapio Lopez, Andere Arriolabengoa, Zigor Enbeita eta Izar Mendiguren. 18 bertsolariek kantatutako alerik onenak azalduko dira programan.
 
 Igandean ikusgai
   
 Hori dena eta askoz gehiago igande honetan izango da ikusgai ETB1en, arratsaldeko 15:00etatik aurrera. Eta laster interneten ere bai EITB Nahieran-en.

• 
•