Ostiralean hasi eta ekainaren 23a arte hainbat saio antolatu ditu Arabako Bertsozale Elkarteak "Altxa Kopla Hori!" egitasmoaren baitan. Kopla-doinuetan kantatuko dute bertsolariek, lagunartean, kalean eta musikaz lagunduta. Lehen saioa ostiralean izango da Araiako plazan iluntzeko 20:30ean.
Zortzi saio egingo dira guztira Arabako Bertsozale Elkarteak antolatutako
"Altxa Kopla Hori!" egitasmoaren baitan. Saioak herri ezberdinetan egingo dira, eta hogeitazortzi bertsolarik, sei gai-jartzailek eta tokian tokiko musikariek parte hartuko dute.
Kopla-doinua izango dute bertsotarako neurria eta kalean izango dira saioak, musikaz lagunduta.
Ostiralean hasi eta ekainaren 23a arte
Araiako plazan izango da lehen saioa, ostiralean iluntzeko 20:30ean. Han arituko dira kantuan
Manex Agirre,
Orlando Arreitunandia,
Izar Mendiguren eta
Markel Yoyer, eta
Aintzane Irazusta-k egingo ditu gai-jartzaile lanak.
Ostiralero iluntzeko 20:30ean izango dira saioak ekainaren 23a arte. Herri hauetako plazak hartuko ditu egitasmoak: Butoriano, Kanpezu, Artziniega, Oion, Bastida, Agurain eta Amurrio.
Agenda osoa ikusgai duzue
hemen.