Hamar talde sailkatu dira Bizkaiko Taldekakoaren bigarren fasera. Datozen asteetan jokatuko dituzte hiru finalaurrekoak eta hiru talde irabazleek abestuko dute finalean. Finala ekainaren 3an izango da Markina-Xemeinen.
Hiru multzotan banatuta hamar taldek abestuko dute
Bizkaiko Taldekakoa-ren bigarren fasean. Lehen multzoan daude
Leioara begira,
Tire! eta
Koipelustre's taldeak; bigarren multzoan
Akerbeltzen antxumak,
Itallen eta
Buruz buru taldeak; eta hirugarren multzoan
Iurretako Bertso Taldie,
El Consorcio,
Santutxuko Bertso Eskola eta
Ipiztar taldeak.
Datozen asteetan jokatuko dituzte finalaurrekoak eta multzo bakoitzean puntu gehien lortzen dituen taldeak lortuko du finalerako txartela. Datozen egunetan zehaztuko dute antolatzaileek noiz eta non jokatuko diren bigarren faseko saioak.
Finalean hiru talde arituko dira kantuan eta ekainaren 3an izango da, Markina-Xemeinen arratsaldeko 17:00etan.
30 talde eta 200 parte hartzaile baino gehiagoMartxoan abiatu zen
Bizkaiko Taldekakoa, 30 talde eta 200 parte-hartzaile baino gehiagorekin. Hiru taldeko hamar multzotan antolatu zuten lehen fasea eta multzo bakoitzetik talde bana sailkatu da bigarren fasera.