Larunbatean jokatu zen bigarren finalaurrekoa 2017-05-15

Amasa-Villabona eta Asteasu-Zizurkil Gipuzkoako Herriarteko finalean

Gipuzkoako Herriarteko txapelketako bigarren finalaurrekoa jokatu zen larunbatean Bergarako pilotalekuan, Gabiriako Osinalde eta Amasa-Villabonako  Am…ona! taldeen artean.  Aratz Igartzabal, Endika Igartzabal eta Gorka Maizek abestu dute Osinalde taldean. Am…ona! taldean, berriz, Ander Goikoetxea, Amaia Agirre eta Beñat Iguaran aritu dira. Saio bikaina egin dute bi taldeek, baina azkenean Amasa-Villabonako taldeak egin du txapelketan aurrera.

Gai jartzaile lanetan aritu  da Jokin Murua (Osinalde) eta Iñaki Otaegi (Am…ona!). Saioa bost epailek baloratu dute: Beñat Hach Embarek (Osinalde), Aritz Garin (Am…ona!), Itziar Irizar (Itziar), Ramon Iturrikastillo (Debagoiena), eta Aritz Arruti (Aia eta Kitto).

Finala Azpeitian, maiatzaren 27an
Gipuzkoako Herriarteko finala Azpeitian izango da, Izarraiz frontoian, 17:30etan hasita. Asteasu-Zizurkilgo Karidadeko Benta eta Amasa-Villabonako Am… ona! taldeek jokatuko dute. Finalaren ondoren afaria izango da Sanagustin kulturgunean. Sarrerak www.bertsosarrerak.eus gunean daude eskuragarri.

• 
•