Saran jokatu zen larunbatean 2017-06-13

Eskolarteko bertsoak sarean

Eskolarteko finaleko bertsoak sarean dira. Saran jokatu zen joan den larunbatean herrialde guztietatko 13 bertsolari oholtzan zirela.
Lehen aldiz historian Arabako betsolari gazte batek irabazi du Eskolarteko txapela. Zazpi herrialdeetako bertsolariak aritu ziren kantuan eta Aroa Arrizubieta gasteiztarra izan zen irabazle eta Joanes Illarregi leitzarra bigarren. Arrizubietari Amets Arzallusek, Euskal Herriko egungo bertsolari txapeldunak jantzi zion txapela. Sarako trinketean jokatu zen finala herriko bertso-eskolako gaztetxoen agurrarekin. Entzule aldetik ere berotasun handia izan zuen Lapurdiko finalak. Trinketeko kantxa erabat bete zuten 200 lagun inguruk.

Hamairu bertsolari gazte aritu ziren oholtzan: Oihana Arana Kardenal (Eskoriatza), Aitor Ugarte Eriz (Aramaio), Iruri Altzerreka Martinez (Garai), Xabat Illarregi Marzol (Leitza), Aroa Arrizubieta Barredo (Gasteiz), Julene Etxeberri Pacheco (Sara), Oier Urreizti Lafitte (Bidarrai), Haritz Capot Thornary (Zalgize), Beñat Bilbao Landa (Gernika-Lumo), Joanes Illarregi Marzol (Leitza), Irati Alcantarilla Urdanpilleta (Urruña), Jokin Irastorza Zabalegi (Oiartzun) eta Elixabet Etxandi Goyenetche (Izpura) izan dira oholtza gainean. Haien jarduna gidatzen Pantxika Solorzano. Epaile lanetan, berriz, Aitor Jimenez, Leire Etxebarria, Elisa Iztueta, Lierni Elorza, Saioa Mitxelena eta Iban Thicoipe.

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin